Пејачката Тејлор Свифт присуствуваше на финалниот натпревар на американската Национална фудбалска лига и го поддржа своето момче Тревис Келче, кој игра за тимот на Канзас Сити Чифс.
Сепак, нејзиното присуство предизвика негативни реакции од страна на публиката, која ја исвирка во моментот кога пејачката се појави на големиот екран. Присутните во стадионот почнаа да извикуваат „бууу“, а реакцијата на Свифт, која се обиде да ги изигнорира со насмевка, бргу почна да се шири на социјалните мрежи.
Taylor Swift got showed on the big screen and got booed aggressively.
— Ari Meirov (@MySportsUpdate) February 9, 2025
She asks: "What's going on?"pic.twitter.com/1CSLjNanmK
Американскиот претседател Доналд Трамп не остана рамнодушен и со објава на неговата платформа Трут сошл го искоментира тоа што пејачката беше исвиркана.
„Единствената што имаше потежок настап од Канзас Сити Чифс беше Тејлор Свифт. Ја исвиркаа од стадионот. ‘Повторно да ја направиме Америка величествена’ („Make America Great Again“) не простува!“, напиша Трамп, алудирајќи на движењето, кое тој го предводи.
I love you @taylorswift13 dont listen to those booo!!
— Serena Williams (@serenawilliams) February 9, 2025
Свифт доби поддршка од тениската легенда Серена Вилијамс, која на Икс напиша: „Тејлор Свифт, те обожавам. Не обрнувај внимание на исвиркувањата“.
