Меланија Трамп, растејќи во времето на комунизмот, сонувала за нешто поголемо, таа сонувала за свет каде што ќе остави свој траг. И успеа, станувајќи не само модел, туку и жена која денес стои покрај еден од најпознатите политичари во светот, нејзиниот сопруг Доналд Трамп.
Од мал индустриски град во Словенија до високата мода, а потоа и до највисоката политичка позиција во светот, патот на Меланија е инспирација за сите оние на кои им треба малку повеќе верба дека и невозможното е возможно.
Таа денес е препознатлива како жена облечена во висока мода, која добро ги познава престолнините и јазиците на Европа, а покрај тоа што е прва дама, таа е и горда мајка на нејзиниот син Барон.
Во разговор со словенечка новинарка, во интервју кое се појави на мрежата „Х“, Меланија Трамп отворено го споделила своето мислење за тоа колку е важна среќата за да се постигне успех. Нејзиниот одговор бил искрен и многу личен, што укажувало дека среќата одиграла пресудна улога во нејзиниот живот.
Новинарката, прашувајќи ја Меланија, сакала да дознае колку таа верува дека среќата е потребна за успех: „Дали мислите дека среќата е неопходна и за успехот?“
Melania Trump speaking Slovenian pic.twitter.com/vmiPrTm05Z
— FLOTUS Report (@MELANIAJTRUMP) January 22, 2025
Меланија одговорила со сигурност, која го одразувала нејзиниот поглед на животот и кариерата: „Да, мислам дека да. Мислам дека среќата е важна. Да се биде на вистинското место во вистинско време“, рекла тогаш првата дама.
Овој искрен одговор уште тогаш дал увид во тоа како Меланија го сфаќала успехот, кој не зависел исклучително само од напорна работа, туку и од случајности и околности кои се поклопиле во нејзиниот живот, овозможувајќи ѝ да ги оствари своите амбиции. Нејзиното патување од модел со огромни соништа до жена која се нашла на чело на американскиот живот, секако бил под влијание на среќата и вистинските моменти.
Потекло и детство во Севница
Меѓутоа, корените на Меланија Трамп нè водат во мирното индустриско село Севница во Словенија, каде што пораснала во станбени блокови од времето на комунизмот, со поглед кон реката и оџаците на фабриките.
„Мислам дека можам да кажам дека Севница беше премала за неа“, се присетува Мирјана Јеланчиќ, нејзината пријателка од детството. „Уште како дете сонуваше да се пресели“.
Реакциите на Севница за Меланија
Реакциите за Меланија во родната Севница беа различни. „Што значи за мене ако таа стане прва дама? Зошто тоа мене би ме интересирало?“, запрашал еден од жителите на Севница, Илија Никиќ. Меѓутоа, фотографот Стане Јерко тогаш сметал дека тоа би било нешто големо за Словенија, потенцирајќи дека „Мела
