Зеленски го откри ова пред официјалната посета на Киев на германскиот министер за одбрана Борис Писториус. Писториус пристигна во Киев во ненајавена посета по состанокот во Варшава со своите колеги од Франција, Обединетото Кралство, Италија и Полска, пренесува AP.

Германија и уште четири други држави се петте земји што издвојуваат најголеми средства за војската во Европа.

Макрон и Зеленски прават тајни планови

Писториус за германската новинска агенција dpa изјави дека неговата посета на Киев има за цел да ја нагласи силната поддршка на Германија за Украина во време кога мандатот на новоизбраниот американски претседател Доналд Трамп, кој започнува следната недела, се очекува да донесе значајни промени во политиката на Вашингтон.

Тој рече дека посетата е „сигнал дека Германија, како најголема НАТО земја во Европа, стои со Украина, не сама, туку во група сојузници“.

Трамп претходно ја критикуваше цената што ја плаќаат американските даночни обврзници за пакетите финансиска и воена помош за Киев. Исто така, јасно стави до знаење дека сака Европа да преземе поголем дел од товарот.

Макрон се соочи со критики од другите лидери и стана изолиран на европската сцена, откако пред речиси една година ја разгледа можноста за распоредување западни трупи во Украина.

Зеленски изјави дека на Украина ѝ се потребни безбедносни гаранции за секој мировен договор, тема што повторно ја дискутирал со францускиот лидер.

Опасноста од вовлекување на Европа и НАТО во војна

„Разговаравме за француската иницијатива за распоредување воени контингенти во Украина. Разгледавме практични чекори за имплементација, можно проширување и вклучување на други земји во овој процес“, нагласи Зеленски.

Потенцијалното распоредување на европски трупи како мировници во Украина носи значителен ризик. Ваквиот потег можеби нема да ја спречи Русија повторно да ја нападне Украина, стравуваат украинските власти, и може да ги вовлече европските земји во директна конфронтација со Москва. Исто така, тоа може да го вклучи НАТО, а со тоа и САД, во конфликтот.