Анализа на Гласот на Америка за пожарите во Лос Анџелес, во кои загинаа најмалку 25 луѓе
Човештвото се обидува да ја „покори“ природата илјадници години и често изгледа дека е на вистинскиот пат да го стори тоа, но повремено „мајката“ природа покажува дека сè уште е посилна и дека е сила на која малкумина можат да ја застанат на патот.
Во опсежна анализа на пожарите што започнаа во Лос Анџелес пред повеќе од една недела, Гласот на Америка истакнува дека жителите на вториот по големина град во САД, за жал, ја почувствувале оваа сила од прва рака.
Пожарите опустошија дел од градот, однесоа најмалку 25 животи и принудија повеќе од 150.000 луѓе да се евакуираат.
Уништувањето предизвикано од овој огнен настан во област која инаку е навикната на природни катастрофи шокираше многумина, вклучувајќи ги и службите за итни случаи, кои реагираа, но според критичарите, не доволно брзо. Експертите кои разговараа со Гласот на Америка објаснуваат дека за катастрофа од ваква големина било тешко да се планира однапред, особено кога „случајно“ се совпаднале неколку околности, иако е евидентно дека имало одредени пропусти.
„Огнот е како инфекција, како болест, чума. И затоа мора да ја скршите чумата со тоа што је се погрижите да нема други места каде што може да се шири. Треба да размислите за целиот пејзаж, не само за неколку куќи или едно соседство, туку за поголем простор и за тоа како можете да го прекинете континуитетот на горивото, запаливите материјали“, изјави Стивен Пајн, визитинг професор на Државниот универзитет во Аризона и автор на бројни книги за историјата на пожарите, во интервју за Гласот на Америка.
Градоначалничката на Лос Анџелес, Карен Бас, истакна дека се „подготвуваат“ за нови ветрови со сила на ураган, кои би можеле да предизвикаат нови пожари во регионот.
Д-р Џон Кили, научен соработник во Геолошкиот институт на САД и професор на UCLA, изјави дека ова е еден од најразорните пожари во поновата историја поради неговата деструктивност.
„Малку е необично да имаме пожари во јануари, бидеќи обично врне во есен и зима. Годинава немаше дождови, што создаде многу сушни услови. Дополнително, ветровите Санта Ана — екстремни ветрови што дуваат од исток кон брегот — беа многу посилни од вообичаено, достигнувајќи брзини од 96 до 130 километри на час. Ова, во комбинација со долга суша и човечки фактор како извор на палење, создаде совршена бура за катастрофа“, изјави Кили за Гласот на Америка.
Пожарите во Лос Анџелес започнаа на 7 јануари на повеќе локации, уништијќи над 15.000 згради, а десетици луѓе сè уште се водат за исчезнати.
Дејвид Барет, кој раководи со MySafeLA, невладина организација за безбедност и превенција од пожари во Лос Анџелес, изјави за Гласот на Америка дека имало „совршено преклопување“ на факторите за пожарот.
„Во последните две години имавме многу дождови во зимските месеци, што доведе до изобилен раст на вегетацијата. Оваа вегетација брзо се суши. Потребни се само неколку дена за да се премине од целосна влажност до подготвеност за горење. Кога почнува да гори и температурата расте, дури и зелените растенија со малку влага можат да изгорат. Кога постојат услови на екстремно низок индекс на влажност, висок индекс на изгореници и силни ветрови, создавате ситуација што е многу тешко да се контролира“, објасни Барет, чија организација соработува со пожарникарската служба во Лос Анџелес.
Властите успеаја да задржат меѓу 11 и 13 отсто од пожарите, во зависност од делот на Лос Анџелес каде што се воделе напорите за гаснење. Вегетацијата, густината на населението и силните ветрови се само некои од факторите што влијаеле на реакцијата на пожарникарите.
„Ова е навистина предизвикувачка операција за округот ЛА и за илјадниците пожарникари што работат на терен. Сложеноста на ситуацијата, повећекратните фронтови, потребата за евакуација на повеќе заедници и густината на населението создаваат притисок врз инфраструктурата за евакуација и снабдувањето со вода. Обидот да се повлече толку многу вода одеднаш беше исто така огромен предизвик“, изјави Крис Шиа, вонреден професор на одделот за управување со катастрофи на колеџот Пол Смитс.
Денес
