Американската вселенска агенција НАСА издаде предупредување за денеска, 13 ноември, бидејќи астероидот „99942 Апофис“, познат и како „Богот на хаосот“, поминува блиску до Земјата.
Астероидот „Апофис“ е огромен и ќе биде надгледуван од Центарот за објекти блиску до Земјата, на НАСА, со што ќе се осигура дека нема директен ризик од судир барем во следните двесте години, пренесуваат странските медиуми.
Астероидот е со димензии 450 на 170 метри, што е блиску до големината на Емпајер стејт билдинг во Њујорк, а карпата е загрижувачка бидејќи има потенцијал да предизвика катастрофално уништување.
Иако научниците веќе потврдија дека астероидот ќе помине на безбедно растојание од 31.000 километри од Земјата, близината на преминот и неговите последици го прават клучниот фокус во истражувањето на астероидите.
Се вели дека во 2029 година, „Апофис“ ќе помине најблиску до Земјата, доаѓајќи во опсегот на геостационарна орбита и ќе биде видлив со голо око, привлекувајќи значително внимание и од астрономите и од јавноста.
Овој астероид претставува закана за Земјата бидејќи има потенцијал да ослободи енергија еднаква на стотици експлозии на нуклеарни бомби доколку се судри со планетата. Ударот на астероидот „Апофис“ може да предизвика катастрофални ударни бранови способни да уништат шуми, да срамнат цели градови и да генерираат цунами доколку удри во океан
Денес
