Израел му се закани на Багдад дека би можел да ги таргетира позициите на проиранските милиции во Ирак.
Израел идентификуваше цели во Ирак кои ќе ги нападне доколку проиранските милиции продолжат да ја напаѓаат израелската територија од таму и го предупреди Багдад за тоа, објави лондонскиот сајт Сауди Елеф.
Неименувани официјални лица изјавија за медиумот дека сателитите ги следат, како што велат, подготовките на Техеран да испрати балистички ракети и опрема од Иран на ирачка територија со претпоставена цел да ги користат во очекуваниот претстоен напад врз Израел.
Во извештајот се наведува дека Израел следи и идентификува цели на проиранските милиции и цели на ирачката држава и дека го предупредил Багдад дека мора да ги запре, како и да престане да ја користи ирачката територија за извршување напади, пренесува израелски медиуми.
Ирачки извори изразија загриженост дека Иран го користи Ирак за да ја префрли борбата од своја територија.
Иранските власти се закануваат дека ќе го нападнат Израел како одмазда за нападот на Исламската Република Иран на 26 октомври, во кој беа насочени воени бази и објекти и загинаа најмалку пет лица.
Одмаздничките напади на Израел врз иранските објекти следеа по нападот на Иран врз Израел на 1 октомври, кога беа истрелани околу 200 балистички проектили, а еден Палестинец беше убиен на Западниот Брег.
Секој нов напад од која било страна може да влијае на поширокиот Блиски Исток.
Војната меѓу Израел и палестинскиот Хамас и израелската копнена операција во Либан може, како што се стравува, да прерасне во голем регионален конфликт уште пред претседателските избори во САД, кои ќе се одржат на 5 ноември.
