Хајди Клум и нејзината ќерка Лени повторно застанаа пред објективот заедно, овојпат во кампања за долна облека. Нивното ново снимање за италијанскиот бренд „Intimissimi“ веќе привлече внимание, особено поради тоа што мајката и ќерката во слично издание се појавија и пред три години, кога предизвикаа бројни критики.
Хајди (53) и Лени (22) овојпат позираат во тангa гаќички и усогласени комплети долна облека. Хајди ги објави фотографиите на Инстаграм, но коментарите на објавата се исклучени.
Повторно заедно во кампања
На фотографиите Хајди носи бел комплет, додека Лени го одбрала истиот модел во црна боја. Двете се фотографирани одзади, а акцентот е ставен токму на долната облека.
Лени е ќерка на Хајди Клум и италијанскиот претприемач Флавио Бријаторе, а денес и самата се занимава со манекенство. Со мајка ѝ веќе учествувала во неколку модни кампањи, но токму нивните заеднички снимања во долна облека предизвикаа најмногу реакции.
Првата кампања предизвика полемики
Мајката и ќерката првпат заедно позираа во долна облека за кампања во 2023 година. Хајди тогаш имаше 50 години, додека Лени имаше 19.
Во таа кампања двете носеа чипкасти комплети, при што Хајди позираше во модел во боја на кожа, додека Лени носеше комплет во боја на фуксија. Фотографиите тогаш ја поделија јавноста, а дел од корисниците сметаа дека таквата кампања не е соодветна за мајка и ќерка.
Хајди на критиките се осврна минатата година во разговор за списанието „People“. „Многумина коментираат дека не се сигурни дали е во ред мајка и ќерка да го прават тоа заедно“, изјави тогаш ѕвездата на емисијата „Project Runway“.
„Но, за нас? Јас сум горда на мојата ќерка. Нејзе тоа ѝ е сосема во ред“, додала. „Отсекогаш сум била многу отворена кон своето тело. Кога се сончам во дворот, понекогаш сум топлес. Јас сум Европејка... моите деца не ме познаваат поинаку“.
