Денеска попладне се очекува интензивно невреме со пороен дожд, силен ветер и грмежи во различни делови од земјата, а услови за град се исто така можни. УХМР најавува нестабилно време и за утре попладне.
Денес времето претпладне ќе биде сончево и топло. Попладне наместа ќе биде нестабилно со пороен дожд, грмежи и засилен ветер.
Локално процесите ќе бидат во форма на невреме со интензивен пороен дожд, силен ветер и услови за појава на град. Послаби услови за краткотрајно невреме ќе има и утре попладне и кон крајот на денот, најави УХМР.
Во Скопје, денес попладне и утре во вечерните часови во делови во котлината ќе има услови за пороен дожд и грмежи.
