Британската поп-ѕвезда Хари Стајлс вчера го објави новиот албум „Kiss All the Time. Disco, Occasionally“, а песната „Paint By Numbers“ привлече внимание поради сличноста со хитот на групата „S.A.R.S.“ „Lutka“.
Имено, Стајлс вчера претстави 12 песни, а една од нив е и „Paint By Numbers“, која кај публиката на Балканот особено привлече внимание поради веќе познатата музика.
На ТикТок забележаа дека музиката на песната потсетува на хитот на групата „S.A.R.S.“ од 2013 година наречен „Lutka“.
ТикТокери споделуваат снимки споредувајќи го крајот на „Paint By Numbers“ со препознатливата мелодија на „Lutka“, наведувајќи дека неодоливо потсетува на неа.
Што е всушност причината за сличноста на двете нумери? Двете песни најверојатно се инспирирани од композицијата „Canon In D Major“, на германскиот композитор Јохан Пахелбел, кој живеел и творел во 17 век.
Мелодијата и хармонската прогресија на оваа композиција се користат во стотици поп песни, па затоа многумина ја препознаваат сличноста.
Постои и вирален комичарски настап на составот „Axis of Awesome“ кој свири 30 хитови на исти 4 акорди, покажувајќи колку оваа прогресија е честа во поп музиката.
Кога станува збор за новиот албум на Хари Стајлс — тој настана по речиси тригодишна дискографска пауза. Проектот е реализиран во соработка со долгогодишните соработници Кид Харпун и Тајлер Џонсон, а е снимен во текот на 2024 и 2025 година на повеќе локации во Европа и Соединетите Американски Држави.
Албумот носи 12 нови песни кои комбинираат елементи на поп, диско и модерен алтернативен звук, а првиот сингл од албумот, „Aperture“, ѝ беше претставен на публиката во јануари 2026 година, неколку недели пред официјалното излегување на изданието.
