Информацијата беше објавена во извештај поднесен од извршителите на имотот на музичарот како одговор на правниот обид на Парис да ги казни нивните постапки, пишува „Пипл“.

Таа поднела барање

Парис (27) поднела барање претходно оваа година поради, како што велат нејзините адвокати, преплатени средства на три адвокатски фирми во вкупен износ од околу 590.000 долари за она што таа го нарекува „нефактурирани часови“. Извршителите на имотот на Мајкл Џексон силно се спротивставиле, нарекувајќи ги тврдењата „намерно неточни“. „Бонусните исплати не се вршат без причина, тие се доделуваат за исклучителна услуга и резултати“, рекоа тие.

Извршителите нагласуваат дека го претвориле она што некогаш било длабоко задолжен имот  во успешен глобален бренд вреден речиси две милијарди евра. Тие, исто така, цитирале претходна пофалба од судија, кој рекол дека го трансформирале наследството кое „започнало како ништо повеќе од долг и значајни тековни обврски“ во „сила и моќ во музичкиот бизнис денес“.

Правната битка продолжува

Извршителите ги нарекоа спорните исплати - бонуси за „извонредна услуга и перформанси“, а не бакшиши, и тврдат дека тие се предмет на одобрување од судот за оставина. Во центарот на спорот е судска одлука од 2010 година што им дозволува на извршителите да плаќаат адвокати без претходно одобрение од судот, која Парис сака да ја поништи.

Во времето на неговата смрт во 2009 година, Мајкл Џексон имал повеќе од 470 милиони евра долг. Одговорноста за долгот преминала на неговиот имот, а Парис и нејзините браќа, Принс и Биги, биле именувани за корисници. Следното судско рочиште а овој случај е закажано за четврток, 16 октомври.