Така на пример, за влез на цело семејство на Плитвичките езера потребно е да издвоите околу 40 евра по лице. Но, добрата вест е дека постојат многу атрактивни и интересни места на светот кои може да ги посетите целосно бесплатно.

Кога го планирате одморот, особено со ограничен буџет, сигурно би се израдувале доколку може бесплатно да посетите одредени места за кои можеби би претпоставиле дека потребно е да купите влезница.

Без оглед на тоа дали ги сакате музеите или сакате да престојувате во природа, бесплатното уживање годи на сечиј буџет.

Токму поради тоа „Касаго“, компанија за изнајмување места за одмор, започнала потрага по најдобрите бесплатни атракции на светот.

Најдобрите бесплатни атракции на светот

Користејќи ги критиките од „TripAdvisor“, одредени места со бесплатен влез можат да се пофалат и со добро оценет квалитет.

Според процената, популарниот белгиски град Бриж е местото кое брои најдобри бесплатни туристички атракции на светот. Дури 94,5 отсто од рецензентите го оценуваат Мини музејот на харфата со пет ѕвезди со што се оценува и помалата концертна сала која е во склоп на музејот.

Второто место го зазема Националниот музеј за воздухопловни сили во САД. Оваа локација вклучува разни експонати кои покриваат различни периоди од историјата на американското воено воздухопловство, а 92,85 отсто од рецензиите на „TripAdvisor“ оценети се со пет ѕвезди.

Трет на листата се нашол водопадот Хорш, најголем од трите водопади кои ги составуваат Нијагарините водопади во Канада. Со 92,7 отсто рецензии, овој култен природен локалитет е оценет со пет ѕвезди.

Меѓу првите 10 биле и Националниот пешадиски музеј и воен центар во Колумбус во Мексико, езерото Бакалар во Мексико, Златниот храм во Индија, планината Фиц Рој во Патагонија, Гробницата на непознатиот војник во САД, Австралискиот меморијал и Лант, резерватот за животни во Тајланд.