Јахтата „This Is It“, наменета за изнајмување, пристигна во сплитското пристаниште, истакнувајќи се со својот необичен изглед.
Нова јахта влезе во Јадранското Море. Во сплитското пристаниште вплови луксузната катамаран-јахта „This Is It“, која се издвојува со својот уникатен изглед.
Ова е поново пловило, изградено во 2024 година во италијанската компанија „Tecnomar“, а веќе освои низа награди за својот дизајн, пишува „Dnevnik.hr“.
Долга 43,5 метри и широка 14,5 метри, прекрасната, асиметрична структура на јахтата и 600 м2 стаклени површини нудат исклучителен панорамски поглед и чувство на континуитет меѓу внатрешните и надворешните простори. Она по што дополнително се истакнува е вертикалната градина што се протега низ два ката од просторот наменет за сопственикот, создавајќи атмосфера на вила на вода.
Инспириран од морските суштества, обликот на трупот носи флуидни линии кои ги поместуваат границите на традиционалната изградба на пловила, во кое може да се сместат максимум 12 гости во шест пространи кабини. Вклучува и голем салон со бар, домашен кинотеатар и просторија за дружење, а за сите оние кои се плашат од капење во море, достапни се џакузи на палубата, сауна и соба за масажа.
За разлика од некои претходни јахти, оваа не е во приватна сопственост, но може да се изнајми за сума меѓу 350 и 390 илјади евра неделно, плус трошоците за одржување, а кој се крие на неа, не е познато.
