Луис Хамилтон очекува Ферари да ги исправи грешките и да го подигне нивото на конкурентност, а за таа цел веќе имал сериозни разговори со менаџментот и самиот посочил кои се сегментите во кои италијанскиот Формула 1 тим треба да напредува.
Британецот не може да биде задоволен од дебитантската сезона во црвениот болид, а досега има само спринт победа и не успеа ниту еднаш да обезбеди барем подиум на главните трки.
Хамилтон вчера зборувал пред новинарите и истакнал дека не сака да биде уште еден поранешен шампион кој го поминал периодот во Ферари без титула.
– Ова е голема организација со многу движечки елементи, но дел од нив не ги користат сите цилиндри кои ги имаат на располагање.
– Чувстувам како мојата улога е да ги предизвикувам сите во тимот и пред се менаџментот, имав средби со претставниците на менаџментот и задоволен сум од начинот на кој ги прифатија забелешките и нивните одговори.
– Тука сум за да победувам и верувам во потенцијалот на тимот. Не можете да го обвините возачот за неуспесите, бидејќи Ферари во минатото имаше членови како Фернандо Алонсо и Себастијан Фетел и на крајот тие не освоија титула со овој тим, – рекол Хамилтон.
Ферари нема освоено титула од конструкторската во 2008 година, додека една претходно во Ф1 шампионатот триумфираше Кими Раиконен.
