Во 16-секундниот клип, Карпентер се појавува облечена во бела кошула, тексас шорцови и сребрени високи потпетици, носејќи куфер со себе. Ја крева раката за да запре камион, но возачот ја игнорира и брзо поминува покрај неа.

Набргу потоа се појавува автомобил, а на крајот од видеото се слуша една изговорена реченица. Сабрина се насмевнува и вели: „О, момче“.

Мистериозни билборди

Заедно со тизер видеото, се појавија мистериозни билборди со зборовите „Manchild“, за кои многумина на социјалните мрежи веруваат дека е насловот на новата песна. На некои од билбордите пишува и: „Hey men!“, „Amen“ и „I swear they choose me, I’m not choosing them“ за кои обожавателите шпекулираат дека би можеле да бидат стихови од песната.

Иако Сабрина сè уште не ја потврдила автентичноста на билбордите, тоа не ја спречи лавината коментари и возбуда на социјалните мрежи за можната нова песна на познатата пејачка. Еден обожавател напишал: „Замислете одеднаш да ја објави песната на летото, аааааааааа“.

„Што и да издаде Сабрина Карпентер, тоа ќе биде песна на летото“, „Сабрина Карпентер слушна дека немаме песна на летото и рече „подржи ми го пивото“, „Дали Сабрина Карпентер ќе има песна на летото две години по ред? Да“, беа само дел од коментарите на возбудените обожаватели.

Дали е прерано за нови песни?

Сепак, некои забележаа дека нејзиниот последен албум, „Short n‘ Sweet“, беше издаден пред помалку од една година, па затоа беа изненадени што можеби веќе најавува нова песна.

Други застанаа во нејзина одбрана, истакнувајќи дека уметниците имаат право да објавуваат музика кога ќе посакаат.