Таа е една од најпопуларните жени во нашиот јавен живот, но и пошироко. Згора на тоа, целиот свет со години зборува за неа.
Најчесто се полемизира за нејзиниот стил, но знае и да крене прашина кога зборува за одгледување деца, исхрана, семејство и начин на живот. Најмногу ја гледаме во друштво на спортист кој ги соборил сите можни рекорди на својот терен, било да е тоа земја, трева или цврста подлога. Минатото лето тие прославија 10 години среќен брак, во кој добија две деца.
Се познаваат уште од средно училиште. Нив ги врзуваат не само големата љубов и почит, туку и истите ставови за светот и речиси сите животни теми. Поради ова, тие често се на удар на критики, но ништо не може да ги разниша темелите на нивната тврдина - тие се најголемата поддршка еден на друг.
Малото девојче на фотографијата во јуни ќе го прослави својот 39 роденден. Ако кажеме дека на фотографијата е Јелена Ристиќ, можеби нема веднаш да погодите за кого се работи, но ако кажеме Јелена Ѓоковиќ – е тоа е веќе друга приказна.
Јелена е една година постара од својот сопруг, еден од најдобрите тенисери на сите времиња Новак Ѓоковиќ, и е на чело на неговата фондација. На Меѓународниот универзитет во Монако го одбранила својот докторат насока луксузен менаџмент и услуги, додека на Универзитетот Бокони завршила бизнис администрација. Можеби не сте го знаеле тоа.
„Непосредно пред испитот медитирав бидејќи ме фати многу паника да не заборавам нешто и да добијам лоша оценка. Тој страв секогаш се зголемуваше пред евалуацијата што ја имаат сите стипендисти: ако не ги положиш сите испити со одредени оценки, ја губиш стипендијата. А за мене тоа би значело - ќе ја изгубиш стипендијата и ќе се вратиш дома, бидејќи моето семејство не би можело да финансира студии во странство“, се присетила своевремено Јелена Ѓоковиќ на студентските денови и додала:
„Се сеќавам на сè, од старата соба што ја украсував со разни исечоци од весници и мотивациони пораки, слики од моите најблиски, до просториите каде што сите ручавме и се собиравме. Таа просторија по потреба стануваше место за забави или гледање фудбалски натпревари. Се хранев во студентската менза. Благодарение на стипендијата, секој оброк, кој вклучува предјадење, главно јадење и десерт, нè чинеше половина цена од било кај на друго место. Храната не беше вкусна, понекогаш ниту премногу здрава, но барем јадев конкретен оброк. Во недела или за празници кога мензата не работеше, се снаоѓавме, собиравме пари и готвевме заедно.“
Кога ќе се спомне нејзиното име, некои прво ќе помислат на уникатен моден стил, спој на елеганција и ноншалантност, што некои ги воодушевува, додека други едвај чекаат да ја критикуваат. Сепак, да напоменеме дека една од обожавателите на стилот на Јелена Ѓоковиќ е Ана Винтур.
