Ако сакате да го избегнете денот поминат во кревет со главоболка и замор, пробајте ги овие вкусни и здрави напитоци што ќе ви помогнат побрзо да се опоравите од мамурлакот.

Подгответе чај од ѓумбир

Чајот од ѓумбир е познат по бројни придобивки, вклучувајќи го и позитивното влијание врз главоболката по ноќна забава.

Ѓумбирот содржи антиинфламаторни својства кои ја намалуваат главоболката и воспалението предизвикано од алкохол. Ако претходната вечер сте претерале со алкохол, сварете шолја чај од ѓумбир и додајте куркума и црн пипер за дополнителна детоксикација на црниот дроб.

Симптоми на мамурлак:

• Силна или блага главоболка

• Малаксаност

• Болки во мускулите

• Сува уста

• Чувствителен стомак или гадење

• Нервоза

• Зголемена чувствителност на бучава и светлина

• Интензивна жед

Вода со лимон

Водата со лимон не е само вкусна и освежителна, туку е богата со лимонска киселина и има алкализирачко дејство.

Пиењето вода со лимон помага во отстранување на токсините од телото и во враќање на pH-рамнотежата, олеснувајќи го природниот процес на детоксикација.

Сок од цвекло

Цвеклото е исклучително здрав зеленчук, а неговата течна форма е особено корисна по консумирање алкохол.

Овој зеленчук содржи соединенија кои го поттикнуваат детоксикацискиот процес на црниот дроб, отстранувајќи ги нуспроизводите на алкохолот и намалувајќи го мамурлакот. Испијте чаша сок од цвекло наутро за да го подобрите протокот на крв и доставувањето кислород до ткивата, што ќе помогне да се ублажат главоболката и заморот.

Вода со краставици и нане

Освежителна опција е пиењето вода со краставица и нане. Оваа комбинација го стимулира варењето, помага при детоксикација и ќе ве разбуди и освежи наутро.

Јадете супа

Ако чувствувате мачнина и не можете да јадете цврста храна, чинија топла супа е идеално решение. Супата внесува дополнителна течност и енергија во организмот, слично на инфузија.

Одморете се

Ако имате можност, одморете се и спијте што подолго, откако ќе појадувате и ќе внесете доволно течности.

Кога да посетите лекар

Во некои случаи, мамурлакот може да биде исклучително тежок и да не помине сам од себе. Ова обично се случува по прекумерно консумирање алкохол и ако вашиот имунитет е ослабен. Тогаш се препорачува консултација со лекар, кој може да препише соодветна терапија или инфузија.