Некогашниот македонски поп пејач и голема тинејџерска ѕвезда, Дарко Илиевски веќе неколку години живее и работи во Мајами.
Тој и неговата сопруга Ивана во октомври 2019 година се остварија за првпат како родители и го добија синчето Матео Ноа.
Четири години подоцна, ја добија ќеркичката Ана Ирена.
Дарко сè уште е активен на социјалните мрежи, каде што можевме да забележиме голема промена во неговиот физички изглед. Имено, Дарко кој сите го паметиме како разиграното момче со фит изглед, имаше многу килограми вишок.
Сега, со нова објава тој сподели многу важен момент од неговиот живот каде што се пофали со неговата трансформација. Имено, Илиевски објави фотографија од себе како изгледал пред една година и како изгледа сега.
„Ден кој никогаш нема да го заборавам. Завршив во собата за итни случаи – повик за будење што очајно ми требаше. На 36 години се соочував со сериозни здравствени проблеми предизвикани од тешка дебелина.
Една година подоцна, и еве ме минус 64 кг (141 лбс) полесен и целосно трансформирана верзија од себе. Но, она што ме прави горд не е само тежината што ја изгубив; тоа е самодовербата, среќата и живописното здравје што ги стекнав.
Знам дека многу луѓе се борат со дебелината и сакам да знаете дека не сте сами. Не чекајте вашиот сопствен повик за будење да направи промена. Земете го моето патување како доказ дека трансформацијата е можна – и започнете денес. Не утре. Не следниот понеделник. Не на почетокот на месецот или годината. Започнете сега.
Ако ви треба поддршка, јас сум тука да ви помогнам да го олеснам вашето патување. Заедно, можеме да постигнеме неверојатни резултати!“, напиша Дарко.
Денес
