Таа го опиша првиот момент кога се сретнале, признавајќи дека тогашниот бизнисмен бил во друштво на друга жена кога започнал разговор со неа.

Меланија раскажува:

„Видов како мојот пријател мавташе кон некого зад мене. Кога се свртев, забележав маж и привлечна, русокоса жена кои ни се приближуваа.“ Така започна нејзината приказна за првата средба со Доналд Трамп.

„Здраво, јас сум Доналд Трамп“, рече тој кога стигна до мојата маса. „Мило ми е што се запознавме.“ Знаев дека е бизнисмен или славна личност, но ништо повеќе. Се ракувавме“, продолжи Меланија.

Таа додаде:

„Неговите очи беа исполнети со љубопитност и интерес, и искористувајќи ја можноста, седна до мене и започна разговор. Ме праша за мојот живот во Њујорк, за моето словенско потекло и патувањата низ светот. Тоа беше кратка средба, но остави силен впечаток.“

Меланија признава дека била привлечена од неговиот шарм и харизма. „Иако околу нас имаше многу метеж, неговото целосно внимание кон мене ме натера да се почувствувам како да сум центарот на неговиот свет. Разговорот беше освежувачки, далеку од обичните површни муабети. Бев привлечена од неговата магнетна енергија.“

Во еден момент, Доналд ја прашал за нејзиниот телефонски број, но Меланија љубезно го одбила.

„Беше малку изненаден“, рече таа. „Тогаш му предложив: ‘Зошто не ми го дадеш твојот број?’“

Трамп се насмевнал и рекол:

„Ќе ти го дадам мојот број, но само ако ми ветиш дека ќе ми се јавиш.“

Тој дискретно запишал нешто на парче хартија и ѝ ја подал визит-картичката. Така завршува Меланија со своето сеќавање за првата средба со идниот претседател на САД.

Иако не е јасно колку време ѝ требало на Меланија да го исполни ветувањето и да го контактира, парот започнал врска која траела неколку години. Тие се венчале во 2005 година, а една година подоцна добија син, Барон.