Претераното активна или зголемена штитна жлезда може да произведе повеќе тироидни хормони.

Одредени намирници можат да помогнат вашата тироидна жлезда да биде здрава и да намали некои од негативните ефекти од оваа состојба.

Некои минерали, витамини и други хранливи состојки се неопходни за балансирање на функцијата на штитната жлезда, наведува „Healthline“.

Еве кои намирници можат да ви помогнат во правилната работа на штитната жлезда:

Минералот јод има клучна улога во создавањето на тироидните хормони.

Исхраната со малку јод помага во намалување на хормонот на штитната жлезда, а некои од намирниците кои содржат ниско ниво на јод се следни:

- свежо или конзервирано овошје;
- несолени ореви;
- путер од јаткасти плодови;
- домашен леб или леб без сол;
- кафе или чај без кофеин (без млеко или крем на база на млечни производи или соја);
- белки од јајце;
- овес.

Овој зеленчук може да биде корисен за хипертиреоза:

- брокула;
- прокељ;
- карфиол;
- кељ.

Од витамини и минерали најмногу ќе ви помогнат намирниците богати со железо, селен, цинк, калциум, витамин Д.

Железото е важно за многу витални телесни функции, вклучувајќи го и здравјето на штитната жлезда.

Многу железо може да добиете од исхраната како што се: грав, зелен лиснат зеленчук, леќа, пилешко и мисиркино месо, црвено месо.

Што се однесува до селенот и цинкот, намирници богати со овие минерали се:

бразилски ореви, чиа семе, печурки, говедско и јагнешко месо, ориз, леблебии, индиски орев, семки од тиква.