Ѕвездата на „Frida“, Селма Хаек во средата на Инстаграм сподели симпатични фотографии на кои е со бизнисменот, својот сопруг Франсоа-Анри Пино.
Таа со целиот свет сакала да ги сподели прекрасните вести - парот слави 15 години хармоничен брак и љубов која е денес иста како што била кога за првпат се сретнале.
„Нема зборови со кои може да се објасни благословот кој го добивате кога ќе ја пронајдете вашата сродна душа. За сите вас кои ја пронајдовте, никогаш не го земајте тоа здраво за готово. За сите вас кои не сте ја пронашле, никогаш не се откажувајте“, напишала Селма покрај фотографиите од нивната венчавка во април 2009 година.
Првата фотографија ја прикажува Хаек во нешто што изгледа како бел корсет, додека гледа на страна. Таа ја обликувала својата коса во затегната пунџа за големиот ден и ги нагласила цртите со нежна шминка.
Уште една црно-бела фотографија ги прикажува двете венчаници на актерката.
Хаек ја комплетирала објавата со фотографија од неа и Пино (61) пред олтарот додека тој ѝ ставал венчален прстен на раката.
„Начинот на кој тој те гледа, а ти него“, напишала во коментари актерката Џесика Алба. „Совршено!!!“, порачала Вајола Дејвис.
Актерката и милијардерот, кои се запознале во 2006 година, ја организираа нивната голема венчавка заедно со семејството и пријателите неколку месеци откако за првпат се венчаа во зградата на судот во Париз на Денот на вљубените во 2009 година.
Таа претходно откри дека од „страв“ одбила два предлози за брак од милијардерот.
„Се срамам да признаам колку пати мораше да ме праша да се омажам за него“, изјавила Селма во текот на интервјуто за „Times of India“ во февруари 2021 година.
Стравот од брак останал кај актерката до нејзината венчавка во судницата бидејќи признала дека членовите на семејството ја „влечеле“ низ ходникот. Сепак, подоцна ѝ олеснало кога сфатила дека не се чувствува „поинаку“ како сопруга на Пино.
Актерката оттогаш продолжила да го фали својот сопруг, тврдејќи дека „се омажила за вистинскиот човек“ за време на интервјуто за „Harper's Bazaar“ во 2017 година.
Таа ги критикуваше и обвинувањата дека се омажила за Пино за неговите пари наместо за љубов.
„Кога се омажив за него, сите велеа: 'Ох, тоа е договорен брак, таа се омажи за него за парите'. Јас си викав: 'Да, сеедно. Мислете што сакате'“, рече таа за време на појавувањето на поткастот на Дакс Шепард во февруари 2021 година.
Хаек и Пино се родители на ќерката Валентина, која сега има 16 години. Извршниот директор на „Kering“ е исто така татко на Матилда (23), Аугустин (17) и Франсоа од претходните врски.
