Според неофицијални информации на израелскиот „Канал 12“, воениот кабинет наводно донел одлука да му возврати „јасно и моќно“ на Иран поради нападот во саботата навечер. Намерата на израелските власти е да започнат акција во координација со САД, пренесува „Reuters“.

Американските медиуми, меѓутоа, пишуваат дека САД нема да учествуваат во можен одговор на Израел против Иран.

„Нема да бидеме дел од каков било одговор кој Израел планира да го спроведе. Не се гледаме себеси како учествуваме во таков чин“, рекол неименуван американски службеник, пренесуваат американските медиуми.

„Ракети на територијата на државата …“

Началникот генерал-мајор Херци Халеви денеска ја посетил базата Набатим со командантот на базата, потполковникот Јотам Сиглер.

„Во текот на посетата, началникот на Генералштабот ја обиколи моќната 140. ескадрила и разговараше со воздухопловниот екипаж и командантите на ескадрилите кои учествувале во откривањето и пресретнувањето на иранскиот напад на Израел во рамките на операцијата Железен штит“, се наведува во соопштението кое го споделил портпаролот на „IDF“, Даниел Хагари.

„Израел ќе одговори на нападот“

Одговорот ќе биде осмислен така што ќе прати порака дека Израел нема да дозволи напад од толкави размери на негова територија да мине без реакција“, се наведува во извештајот.

Што вели „Wall Street Journal“?

Во меѓувреме, „Wall Street Journal“, повикувајќи се на неименувани западни службеници, објави дека Израел брзо ќе одговори на иранскиот напад, „веројатно веќе денеска“. Но, според пишувањето на „Times of Israel“, во извештајот се наведува дека воениот кабинет се составува и утре, што доведува до мала веројатност дека израелскиот напад ќе се случи денеска.

Тие наведуваат дека се надеваат дека Иран и Израел ќе бидат во состојба да одолеат на искушението за понатамошна ескалација бидејќи двете страни имаат победа во доволна мера за да им овозможи да се воздржат.

Иранскиот министер за надворешни работи Хосеин Амирабдолахјан денеска на британскиот колега Дејвид Камерон дека Иран не сака зголемување на тензиите, но дека ќе одговори веднаш и посилно доколку Израел нападне.