„Кумот“ на вештачката интелигенција предупредува на опасностите од „AI“ оружјето, повикува на нејзина регулација, но и ја нагласува потенцијалната корист на „АИ“, и покрај загриженоста и поради брзиот развој на таа технологија.
Британско-канадскиот компјутерски научник и професор Џефри Хинтон, во светот познат и како „кум на вештачката интелигенција“, издал остро предупредување во врска со регулацијата на оружје на основа на вештачката интелигенција (AI), нагласувајќи ја неопходноста од соочување со потенцијални закани пред тие да ескалираат.
Борбени „AI“ роботи неизбежно доаѓаат
Признавајќи ги потешкотиите во предвидувањето на веродостојноста дека вештачката интелигенција ќе ја надмине човечката интелигенција, професорот Хинтон укажал на различните перспективи. „Луѓето како Илон Маск и јас мислат дека веројатноста дека тоа ќе се случи е околу 10 до 20 проценти“, вели Хинтон.
Истакнувајќи ги повеќекратните ефекти од вештачката интелигенција, вклучувајќи дезинформации и губење на работни места, професорот Хинтон изразил посебна загриженост во врска со идните оружје на основа на „AI“.
„Една од заканите се борбени роботи кои на богатите земји значително ќе им го олеснат водењето на војни против помалите, посиромашни земји и тие ќе бидат многу грозни и мислам дека неизбежно доаѓаат“, предупредил Хинтон, пренесува „Zimo.
Зборувајќи за потенцијалот на регулацијата, посебно во региони како Ирска, со значајно присуство на технолошки гиганти, професорот Хинтон се залага за владина интервенција за сигурноста во развојот на вештачката интелигенција да биде приоритет.
„Владите може да извршат притисок на големите компании да спроведат значајна работа на безбедноста“, предложува Хинтон.
„Не жалам поради ниедна одлука која ја донесов
И покрај својата загриженост, професорот Хинтон ги нагласил длабоките предности кои „AI“ ги нуди, посебно во здравството и медицината.
Професорот Хинтон, кој во Ирска го примил Улисесовиот медал од Универзитетот во Даблин, ја нагласува важноста од занимавање со етичките димензии на вештачката интелигенција. „Постојат два вида на жалење. Постои жалење кога сте донеле одлука за која сега мислите дека била погрешна одлука, а немам ништо од тој вид на жалење“, порачува Хинтон.
Иако ја признава брзата еволуција на вештачката интелигенција, професорот Хинтон останува упорен во своето уверување во врска со минатите одлуки.
„Утврдено е дека вештачката интелигенција се разви многу побрзо од тоа што го очекував и тоа е загрижувачко, но не се каам поради ниедна одлука која ја донесов“, заклучив на крајот.
