Планирањето на одмор може да биде многу напорно, па затоа е препорачливо да добиете дополнителни информации пред да одлучите да патувате. Непромислените постапки лесно можат да ја загрозат вашата безбедност.
Една корисничка на ТикТок ги предупреди авионските патници да избегнуваат користење на „USB“ приклучоци на аеродромите бидејќи тие претставуваат ризик од кражба на податоци.
„Не го приклучувајте телефонот за полнење таму. Може да зажалите“, изјавила таа.
Таа тврди дека ФБИ издало предупредување за станиците за полнење на батериите на уредот, кои се наоѓаат на аеродромите, велејќи дека се работи за таканаречен „juice jacking“, термин познат како сајбер напад што може да се постигне преку „USB“ порта.
„Хакерите користат USB порти на аеродромите за да ви ги украдат податоците. Интересно, нели“, истакна таа.
Федералната комисија за комуникации (FCC) објаснила како хакерите можат да поставуваат софтвер на јавни „USB“ станици за полнење за да пристапат до уредите додека тие се полнат. Хакерите потоа можат да ги користат тие информации за да пристапат до онлајн сметки или да ги продадат на други субјекти.
Затоа, за да бидете безбедни, се препорачува да користите батерии и преносни полначи наместо станици за полнење, а исто така можете да користите електрични приклучоци со основа за адаптер на полнач или да добиете USB кабли само за напојување кои немаат можност за преземање на податоци.
