Екипажот на бродот издал повик за помош неколку моменти пред бродот да удри во мостот Френсис Скот Ки во вторникот наутро.
Медиумите објавија аудиоснимка од полицајците во Балтимор кои брзаат да го сопрат сообраќајот на мостот неколку секунди откако се урнал, откако во него удрил товарен брод.
Екипажот на бродот издал повик за помош неколку моменти пред бродот да удри во мостот Френсис Скот Ки во вторникот наутро, овозможувајќи им на властите да го ограничат сообраќајот на возила во тој распон, рекол гувернерот на Мерлинед, Вес Мур.
Околу 90 секунди откако побарале помош, се слуша друг глас во аудиоснимка кој вели дека мостот се урнал.
„Потребен ми е еден од вас на јужната страна, еден од вас на северната страна, сопрете го целиот сообраќај на мостот Ки“, се слуша како вели едно лице.
„Се доближува брод со кој не може да се управува, па додека не го ставиме тоа под контрола, мораме да го сопреме целиот сообраќај“, вели лицето.
„Целиот мост се урна. Почнете, почнете … сите. Целиот мост се урна“, велат.
Друго лице вели дека не може да мине на другата страна.
„Мостот падна“, додава тој.
Бродот удрил во еден од носачите на мостот, поради што конструкцијата се урнала како играчка. Паднал во водата за неколку секунди – шокантен момент кој бил снимен на видео-снимката и објавен на социјалните мрежи. Пловилото се запалило, а од него излегувал густ, црн чад.
Со оглед на тоа дека бродот пловел кон мостот со многу голема брзина, властите имале ограничено време да ги сопрат сите автомобили да минат преку мостот, рекол гувернерот Мур.
„Овие луѓе се херои, спасија многу животи“, рекол Мур.
До судирот дошло насред ноќ, многу пред луѓето да почнат да сообраќаат преку него.
Спасувачките екипи ја сопреле потрагата по шест лица кои исчезнале по рушењето на мостот во Балтимор, бидејќи се претпоставува дека се мртви, соопштиле локалните власти.
„Не веруваме дека ќе пронајдеме живи луѓе“, рекла вчера службеничката на Крајбрежната стража Шенон Гилрит.
