Милан Кундера, еден од најпознатите писатели на сите времиња, почина на 11 јули годинава, на 94 годишна возраст.
Роден е во Брно во 1929 година, а во 1975 година емигрирал во Франција како дисидент.
Критикувањето на комунизмот била честа тема во неговите дела, а пишувал на чешки и француски јазик. „Неподносливата леснотија на постоењето“, „Шега“, „Смешни љубови“, „Проштален валцер“, се само дел од неговите одлични дела, а во продолжение пренесуваме 10 познати цитати по кои ќе го паметиме.
1. „Луѓето од сопствените страдања најчесто бегаат во иднината. Тие на стазата на времето замислуваат линија зад која сегашните болки повеќе нема да постојат“.
2. „Љубовта е копнеж по сопствената изгубена половина“.
3. Кога саканата личност е постојано присутна, таа всушност би била присутна само во својата постојана минливост, која може да се запре само во моментите на осаменост“.
4. „Среќата е желба за повторување“.
5. „За мене, пријателството е доказ дека постои нешто посилно од идеологија, религија и нација“.
6. „Ах, не, ниту една љубов не може да преживее во тишина“.
7. „За доброто на овој свет, не е неопходно ангелите да добијат надмоќ на демоните (како што мислев кога бев дете), туку моќта на двете страни да биде приближно изедначена“.
8. „Можеби не сме во можност да љубиме, токму затоа што сакаме да бидеме љубени, затоа што сакаме другите да ни пружат нешто (љубов), наместо да пристапиме без барања и да го посакуваме само нивното присуство“.
9. „Ако животот може да биде уметничко дело, тогаш за што служат уметничките дела?“
10. „Водењето љубов со жена и спиењето со жена се две посебни чувства. Првото е страст, а второто љубов.“
