Точка ТВ: Симбол за храброст – како едно куче спасило цел град од пропаст

Во гратчето Ном на Алјаска, во 1925 година пораснал бројот на лица заболени од дифтерија, многу заразна инфекција која ги напаѓа носот и грлото. Околу 15.520 Американци починале само неколку години претходно од истата болест, а лекарите биле многу загрижени.

Постоел само еден лек кој се набавувал од градот Енкориџ, оддалечен 800 километри, а единствениот авион кој можел да го набави лекот замрзнал и моторот му откажал.

Градските службеници одлучиле да испратат тимови на санки кои ги влечеле хаски. Биле испратени 20-тина лица и околу 150 кучиња и биле поделени така што секој тим требало да го донесе лекот до одредена точка, каде би го презела друга екипа.

Последниот кој требало да го презеде лекот бил Гунар Касен, а за водич на кучињата го избрал Балто кое важело за недоволно истренирано куче.

Кучето ја докажало својата храброст и вредност борејќи се со бруталните временски прилики каде видливоста била рамна на нула. Касен не можел ни да ги види сопствените раце од виулицата и маглата, но Балто не се откажувал и успешно го водел чопорот околу 90 километри.

На 2 февруари стигнал во Ном, 5 и пол дена по почетокот на целата акција за набавување на лекот.

Во Централ Парк во Њујорк е подигнат споменик кој го претставува не само Балто, туку и сите кучиња кои учествувале во акцијата за набавување на лекот.

Балто угинал во 1933 година, а бил стар 14 години. Неговото тело е сочувано во музеј во Кливленд.