Додека на црвениот килим на Венецискиот филмски фестивал традиционално доминираат гламурозни тоалети, скапоцени дијаманти и беспрекорни фризури, Мишел Лами повторно покажала дека не ѝ е потребно ништо од очекуваното за да стане една од највпечатливите личности на вечерта.

Француската модна икона се појавила во Венеција во своето препознатливо, речиси театрално издание, докажувајќи дека ниту во деветтата деценија од животот нема намера да се вклопува во туѓи правила.

Лами на 9 септември се прошетала по црвениот килим на 83. Меѓународен филмски фестивал во Венеција по повод проекцијата на филмот „DAU“.

Во црно од глава до пети, но далеку од класична елеганција

За појавувањето на фестивалот таа избрала широка црна горна облека во форма на фустан префрлена преку кратка, асиметрична комбинација која ги ѝ ги откри нозете, додека најголемо внимание привлекоа масивните црни чизми со исклучително висок ѓон.

Целиот изглед дополнително го нагласила со впечатливи очила со светла, правоаголна рамка, многубројни нараквици, прстени и други парчиња накит.

Меѓутоа, кај Мишел облеката е само дел од приказната. Нејзините темно обоени прсти, тетоважите инспирирани од берберската традиција, вертикалната линија на челото и златните заби одамна станале дел од нејзиниот визуелен идентитет. „Вог Италија“ токму овие детали ги наведува како нејзини заштитни знаци, заедно со нејзината наклонетост кон црната боја, скулптуралните силуети и накитот кон кој се однесува речиси како кон талисмани.

Има 82 години и не се обидува да изгледа како некој друг

Лами е родена во 1944 година, па денес има 82 години, иако точниот датум на нејзиното раѓање долго време беше обвиен со одредена доза мистерија.

Во текот на животот таа била многу повеќе од сопруга на еден од најпознатите авангардни дизајнери на денешницата – се занимавала со право, перформанс, угостителство, дизајн и продукција, а денес е креативна и деловна партнерка на својот сопруг Рик Овенс во компанијата „Owenscorp“.

Ужива во љубовта со Рик

Особено интригантен дел од животот на Мишел е нејзината љубовна приказна со 18 години помладиот Рик Овенс. Тие се запознале на почетокот од деведесеттите години во Лос Анџелес, кога Мишел го ангажирала како кројач-конструктор за својата модна линија. Овенс подоцна отворено зборувал дека пред неа главно бил во врски со мажи и дека во тоа време се сметал себеси за геј маж, иако денес се изјаснува како бисексуалец.

Тие двајца не станале веднаш пар – работеле заедно околу две години пред меѓу нив да се роди љубов. Мишел во тоа време била во брак со уметникот и режисер Ричард Њутн, од кого подоцна се развела.

Овенс зборувал за нивниот однос со изненадувачка нежност, признавајќи дека пред Мишел никогаш немал вистинска сериозна врска и дека таа станала единствената личност со која може да замисли таква емоционална блискост. Тие се венчале во 2006 година, а нивната врска прераснала и во едно од најпрепознатливите креативни партнерства во современата мода.

За нивната долгогодишна врска Овенс рекол дека се темели токму на разликите – него го привлекло тоа што Мишел истовремено е „елегантна и варварска“, додека таа внесува спонтаност во неговиот живот, а тој стабилност во нејзиниот.