[ВИДЕО/ФОТО] Мексиканска политичарка го засени славењето: Која е Сандра Куевас која го украде шоуто на отворањето на Светското првенство?

Илјадници еуфорични навивачи ја преплавија култната авенија Пасео де ла Реформа, кои се собраа околу споменикот.

Меѓу нив, на општо изненадување, се појави и Куевас, која брзо се проби до самите скали на споменикот и ги „запали“ социјалните мрежи.

Додека едни го поздравија нејзиното доаѓање меѓу „обичниот народ“, мрежите буквално експлодираа поради нејзината облека. Во преден план се најде нејзиното нагласено деколте, што предизвика лавина коментари. Многумина прокоментираа дека Куевас успеала да ги фрли во сенка дури и првите голови на Мундијалот.

Сандра Куевас ѝ е и повеќе од позната на мексиканската јавност. Од 2021 до 2024 година беше градоначалничка на влијателната и богата градска општина Куаутемок. За време на мандатот изгради репутација на популистичка политичарка која копнее за внимание, а медиумите ги полнеше со фотографии во целосна полициска опрема додека лично ги предводеше акциите против нелегалните угостителски тераси и комуналниот неред.

Меѓутоа, нејзиниот политички подем беше проследен со сериозни афери. Веќе во 2022 година беше привремено суспендирана од функцијата поради обвиненија за злоупотреба на службената положба, кражба и напад врз двајца полицајци, што таа тогаш го нарече политички мотивиран прогон.

Сепак, најсериозниот удар врз нејзиниот углед го зададоа обвинувањата за поврзаност со организираниот криминал. Мексиканските медиуми нашироко известуваа за нејзината љубовна врска со Алехандро Мендоса, попознат како „Ел Чоко“, кој се поврзува со опасната криминална група „Ла Чокиза“.

Откако „Ел Чоко“ беше уапсен минатата година, во јавноста протекоа нивни заеднички снимки и фотографии. Куевас ја призна врската, порачувајќи ѝ на јавноста:

„Не е моја одговорност да го проверувам минатото на моите партнери“.

Контроверзиите беа заокружени кога под обвиненија за изнуда беше уапсен и нејзиниот личен телохранител Антонио Ваљехо, познат како „Ел Тоњо “.

По завршувањето на мандатот како градоначалничка, Куевас се обиде да ја спаси својата политичка кариера и да обезбеди место во државниот Сенат. Меѓутоа, на изборите доживеа тежок пораз, завршувајќи на далечното трето место.

По политичкиот крах, Куевас на почетокот на оваа година целосно се сврте кон приватниот бизнис, но и кон нови ексцентрични цели. На јавноста ѝ ја откри својата листа од 12 цели за 2026 година, меѓу кои се отворање синџир продавници за слатки под називот „Sandra Cuevas Dulcería“, како и отворање ексклузивен ресторан со мексиканска храна.