Украинскиот претседател Володимир Зеленски изјави дека украински дронови би можеле да ја погодат руската Парада на победата на 9 мај во Москва, додека Кремљ се подготвува за еден од своите најсимболични настани.
Говорејќи на отворањето на 8. Самит на Европската политичка заедница во Ереван, Зеленски рече дека Русија повеќе не е способна да демонстрира воена моќ како во претходните години.
„Русија најави парада на 9 мај, но на таа парада нема да има воена техника“, изјави Зеленски.
„Ова ќе биде првпат по многу, многу години тие да не можат да си дозволат присуство на оружје на парадата.“
„А и украински дронови би можеле да ја погодат таа парада. Тоа покажува дека повеќе не се силни како порано“, додаде тој.
Изјавата доаѓа откако денеска украински дрон погоди станбен облакодер во западна Москва, при што биле оштетени станови и расфрлани делови од фасада, според руски официјални лица и медиуми.
Зеленски додаде дека летово би можело да биде одлучувачко за следниот потег на Русија во војната, оценувајќи дека рускиот претседател Владимир Путин ќе треба да избере меѓу проширување на војната и дипломатија.
Тој повторно повика на одржување на притисокот врз Москва преку санкции, истакнувајќи дека идејата за нивно укинување е неприфатлива.
