На прв поглед звучи нелогично – да користите клима или греење во автомобил и да добиете казна. Но во Германија тоа е можно, и тоа поради една навика што многу возачи ја прават без да размислат.
Користењето на клима-уред во автомобил само по себе не е проблем, но начинот на кој се користи може да доведе до казна. Во Германија законот јасно забранува оставање на моторот вклучен додека возилото мирува, доколку за тоа нема оправдана причина.
Тоа значи дека возачот не смее да го остави автомобилот на паркинг или покрај пат со вклучен мотор само за да работи климата или греењето. Таквото однесување се смета за непотребно создавање издувни гасови и бучава, што е спротивно на прописите.
Казната за ваков прекршок може да изнесува од 80 до 444 евра. Не е пресудно каде се наоѓа возилото, туку фактот дека моторот работи без потреба. Токму тука многу возачи грешат, бидејќи оваа ситуација ја сметаат за безопасна.
Важно е да се нагласи дека проблемот не е во климата, туку во работата на моторот. За време на возење, користењето на клима-уред е сосема нормално и дозволено. Меѓутоа, кога возилото мирува, моторот не треба да биде вклучен само поради удобноста во кабината.
Станува збор за правило што особено често се прекршува во лето и зима. Лете возачите го оставаат моторот вклучен за да ја изладат внатрешноста, додека во зима прават исто за да го загреат возилото пред тргнување. Во Германија, ваквата практика може да доведе до казна.
Со други зборови, она што на многумина им изгледа како ситница, во Германија се третира како прекршок. Правилото е едноставно – ако возите, климата е во ред. Ако стоите, моторот треба да биде исклучен.
