Шефицата на европската дипломатија, Каја Калас, изјави дека е изненадувачки моментот во кој беше објавена можната одлука за повлекување на американски војници од Европа, откако Пентагон најави намалување на контингентот во Германија.
Таа оцени дека ова е сигнал дека Европа мора значително да ја зајакне својата улога во рамки на НАТО и да преземе поголема одговорност за сопствената безбедност.
Според Пентагон, околу 5.000 американски војници ќе бидат повлечени од Германија во наредните шест до 12 месеци.
Калас истакна и дека актуелните случувања ја зголемуваат важноста на Кавказ и на алтернативните трговски рути, особено поради тензиите на Блискиот Исток.
