Мик Џегер двапати избегнал смрт, тврди новата биографија на „Ролинг Стоунс“, чии делови веќе со денови ги објавуваат сите светски медиуми.
Фронтменот на познатата рок група наводно речиси се предозирал со хероин во 1976 година во станот на музичкиот продуцент Маршал Чес во Њујорк, пишува Боб Шпиц во неговата новоиздадена книга „Ролинг Стоунс: Биографија“ (The Rolling Stones: The Biography).
Чес во книгата вели дека Џегер дошол да го посети доцна навечер по друга забава, барајќи дрога. Иако Чес, како што пренесе „Page Six“, во тоа време наводно се обидувал да се откаже од дрогата, рекол дека скокнал во лимузината на Џегер и посетил „будистички дилер на хероин за кој знаел дека е достапен за зависниците во Њујорк дваесет и четири часа на ден“. Чес тврди дека тој и Џегер, сега 82-годишен, споделиле мал грам хероин, а десет минути подоцна Џегер се струполил на подот.
„Мик бил целосно бесвесен. Чес се обидел да го подигне, дури и го удрил неколку пати, но ништо. Наскоро усните на Џегер почнале да помодруваат“, пишува Шпиц.
„Не знаев што друго да правам. Бев преплашен. Мик Џегер ќе умреше во мојот е*ан стан“, се присетил Чес. Тој повикал итна помош, а го повикал и поранешниот претседател на „Атлантик рекордс“, Ахмет Ертегун, кој пристигнал неколку моменти подоцна со Феј Данавеј. Во тоа време, актерката била во брак со Питер Волф, фронтменот на „Џ. Гејлс бенд“ и имала договор со „Атлантик рекордс“. Се вели дека Данавеј наводно повикала пријател, претседателот на блиската болница „Ленокс Хил“, кој обезбедил соба каде што Мик можел да биде сместен за да нема публицитет, додека Чес му давал на пејачот вештачко дишење додека не пристигнале службите за итни случаи. Дури кога му дале кислород, тој повторно почнал да дише. Вториот пат кога ѕвездата за малку избегнала смрт бил речиси комичен.
Бендот се состанал во Амстердам во 1984 година за да разговараат за својата иднина и да се обидат да ги поправат своите скршени чувства. Една ноќ, Џегер и Кит Ричардс заедно излегле на пијалаци и се вратиле бо хотелот околу 5 часот наутро. Пејачот ја кренал слушалката и се јавил во собата на тапанарот Чарли Вотс и извикал: „Каде е мојот тапанар?“ Дваесет минути подоцна, Вотс, беспрекорно облечен во костум од „Савил Роу“, без зборови го зграпчил Џегер за јаката и извикал: „Никогаш повеќе не ме викај твој тапанар!“ а потота со сета сила го удрил право во вилицата. Ричардс се присетил како Џегер почнал да паѓа наназад врз чинија со чаден лосос и опасно да се лизга преку масата кон отворен прозорец со канал под него. „Само го зграпчив за ногата и го спасив да не падне“, рекол Ричардс. Портпаролот на Џегер не одговорил на барањето на „Page Six“ за коментар.
