Фудбалерот на Ливерпул, Мохамед Салах, ја заврши сезоната поради повреда на тетивата, потврди директорот на египетската репрезентација, Ибрахим Хасан.
Салах се повреди во саботата на натпреварот од 34-то коло од англиската Премиер лига против Кристал Палас (3:1).
Египетскиот фудбалер беше заменет во 60-та минута.
Светските медиуми објавија дека Салах го одиграл својот последен натпревар за Ливерпул вчера, бидејќи египетскиот фудбалер претходно објави дека ќе го напушти англискиот клуб на крајот од сезоната.
Хасан за агенцијата Ројтерс, изјави дека Салах ќе биде надвор од терените четири недели поради скинат мускул на тетивата.
Фудбалерите на Ливерпул ќе имаат натпревари против Манчестер Јунајтед, Челзи, Астон Вила и Брентфорд во Премиер лигата до крајот на сезоната.
Хасан изјави дека Салах ќе биде подготвен за Светското првенство, кое ќе се одржи од 11 јуни до 19 јули оваа година во Мексико, САД и Канада.
На Светското првенство, Египет ќе игра во Групата Г против Белгија, Нов Зеланд и Иран.
