Среде растечките глобални тензии и конфликти во кои учествуваат нуклеарни сили, нуклеарна експертка ги предупреди граѓаните на најважните чекори што треба да се преземат за да се зголемат шансите за преживување во случај на нуклеарен удар.
Професорката Кетрин Хигли, експертка за нуклеарни науки на „Oregon State University“, истакна дека во првите часови по експлозијата клучни се две едноставни, но животно важни мерки. Првата е веднаш да се влезе во затворен простор и да се остане внатре. Втората е добро да се затворат сите прозорци, врати и да се исклучат сите вентилациски системи за да се спречи влегување на радиоактивен отпад.
„Најдоброто што преживеаните можат да го направат е да влезат внатре и да останат внатре“, порача професорката Хигли. Се препорачува засолниште во згради од тули или бетон, по можност во средината на зградата или во подрум, што подалеку од покриви и надворешни ѕидови на кои се таложи радиоактивен отпад. Ако сте во моментот на нападот надвор, експертката советува итно да ја соблечете надворешната облека и да ги измиете изложените делови од телото. Исто така предупредува да се избегнува контаминирана храна и вода и при туширање да не се користи регенератор за коса бидејќи тој може да врзе радиоактивни честички за косата.
Професорката Хигли потсетува дека радиоактивниот отпад е најголемата опасност во часовите и деновите по самата експлозија и дека неговото влијание брзо се намалува со оддалеченоста од епицентарот. Најбезбедно засолниште се повеќекатници со дебели ѕидови и што помалку прозорци.
Овој совет доаѓа во време кога светот следи повеќе конфликти во кои се вклучени нуклеарни сили, вклучувајќи ја војната во Украина и актуелниот конфликт на Блискиот Исток, пишува „Mirror“.
Денес
