Со методот 30-30-30, се внесуваат 30 грама протеини во првите 30 минути по будењето. Може да се консумираат и јаглехидрати и масти, но најважно е појадокот да содржи околу 30 грама протеини.

Следниот чекор е вежбање од 30 минути. Се препорачуваат кардиоваскуларни вежби, односно кардио со низок интензитет кои благо го забрзуваат пулсот, но не премногу, како пешачење или рекреативно возење велосипед.

Целта е пулсот да се одржува на или под 135 отчукувања во минута.

– Постојат бројни научни докази дека внесувањето повеќе протеини, особено за појадок, може да помогне во намалување на внесот на калории во текот на остатокот од денот, бидејќи протеините помагаат подолго да се чувствувате сити – изјави за „Health“ Џостен Фиш, лиценциран диететичар.

Консумирањето повеќе протеини со ист вкупен внес на калории може да го забрза слабеењето.

„Покрај тоа, соодветен појадок богат со протеини може да помогне во стабилизирање на шеќерот во крвта и во борбата против инсулинската резистенција, која е една од причините за тешкото слабеење“, изјави за „Health“ Мишел Рутенштајн, лиценцирана диететичарка и кардиолошки нутриционист.

Чекори за започнување на денот со оваа метода

Прв чекор – внес на 30 грама протеини

Потребно е да се внесат 30 грама протеини во рок од 30 минути по будењето. Оброците може да вклучуваат:

свежо сирење со ананас

овошно смути со протеински прав

грчки јогурт со јаткасти плодови

леб со висок протеински состав со путер од јатки или јајца и сирење

киноа со тофу, јајца, грав или сирење

кајгана со сирење

Втор чекор – 30 минути вежбање

Фокусот треба да биде на кардиоваскуларни вежби, а не на тренинг со тежини. Тоа може да биде:

џогирање

пливање

лесно возење велосипед

танцување

трчање на лента или на отворено

Предности на методот 30-30-30

Методот 30-30-30 помага во согорување на телесни масти наместо губење на мускулна маса. Зголемувањето на пулсот над оној во мирување ја подобрува или одржува кондицијата и го поттикнува согорувањето на мастите.

Внесувањето протеини за појадок дополнително го поддржува овој процес.

„Со внесување 30 грама протеини во првите 30 минути по будењето, поединците можат да го активираат својот метаболизам и да му обезбедат на телото есенцијални хранливи материи“, истакна Фиш.

„Појадок богат со протеини може да помогне во контрола на апетитот и регулирање на нивото на шеќер во крвта.

Оптимизација на нивото на инсулин

Високото ниво на инсулин може да влијае врз губењето на масти. Инсулинот е хормон кој овозможува складирање на масти и им помага на клетките да користат шеќер и јаглехидрати како енергија или да ги складираат како масно ткиво.

Кога внесот на јаглехидрати е висок, нивото на инсулин исто така расте. Тоа значи дека телото користи јаглехидрати како извор на енергија наместо сопствените резерви на масти.

Поради тоа, за да се поттикне согорувањето на телесни масти, препорачливо е да се намали внесот на јаглехидрати.