Ормутскиот теснец е еден од најважните поморски транспортни правци во светот, бидејќи околу 20% од глобалната потрошувачка на нафта минува низ него. Секое нарушено движење низ овој канал веднаш има ефект врз меѓународниот пазар на нафта и деривати.

Ограничена понуда и зголемување на цените

Кога бродовите не можат да поминат низ теснецот, се случуваат прекини во снабдувањето. Нафтените производи наменети за европските, азиските и американските пазари се одложуваат или се пренасочуваат кон подолги, поскапи рути. Ова ограничување на понудата го поттикнува сегашниот пораст на цените на суровата нафта на глобалните пазари, бидејќи побарувачката останува висока, додека количината достапна за испорака се намалува.

На пример, поради сегашната блокада, цената на Брент на светскиот пазар скокна над 119 долари за барел, што е највисоко ниво во последните неколку месеци.

Влијание врз цените на дериватите

Последиците за рафинериите и дистрибутерите на гориво се речиси моментални. Големопродажните цени на евродизелот и бензинот растат, бидејќи рафинериите мора да купуваат сурова нафта по повисока цена. Релативно кажано, секој долар зголемување на цената на нафтата ги зголемува трошоците за гориво за крајните потрошувачи.

Дизелот и бензинот стануваат поскапи на пумпата дури и во земјите кои не зависат директно од превозот преку Ормутскиот теснец, поради глобалната поврзаност на пазарите.

Земјите со помала енергетска самоодржливост, како што е Македонија, веднаш ги чувствуваат последиците.

Целиот текст прочитајте го ОВДЕ.