Полски државјанин е уапсен во Грција под обвинение за шпионажа на воена база на Крит што ја користат американските сили, објави новинската агенција АНА.
Полицијата се сомнева дека 58-годишникот фотографирал бродови што влегуваат во базата. Мажот, кој беше уапсен во четврток, ги негираше сите обвиненија, објави Ал Џезира.
Кон крајот на минатиот месец, бродот „УСС Џералд Р. Форд“, најголемиот носач на авиони во светот, исто така помина низ базата Суда на Крит. Ова не е прво вакво апсење во последно време.
Претходно овој месец, на 2 март, грузиски државјанин беше уапсен за шпионажа на истата база.
