Министерството за внатрешни работи соопшти дека во 17:35 часот пријавено е дека на автопатот Скопје – Велес, после тунелот „Бадар“ има одрон од карпа, која ги има зафатено двете ленти. Сообраќајот не е во застој.
На местото интервенира екипа на ЈП Македонија пат.
Од 18:05 часот поради излевање на Црна Река од своето корито кај с.Бучин, Крушевско, има прекин на патниот сообраќај на локалните патни правци од селото Бучин кон Демир Хисар, кон селото Обршани и кон селото Трноци.
Од 18:15 воведена е забрана за движење на товарни возила на патниот правец Струга-Ќафасан.
Од 18:30 часот патниот правец Пробиштип-Леговец поради сообраќајна незгода и вршење увид е затворен за сообраќај во двата правца.
„Министерството за внатрешни работи преземаа соодветни активности за отстранување на сите пречки за воспоставување и нормализирање на сообраќајот. Апелираме до граѓаните да се почитуваат сообраќајните правила и прописи, задолжително поседување на пропишаната зимска опрема и почитување за поставената сигнализација“, се вели во соопштението.
