Истакнувајќи ги здравствените придобивки од појадокот, експертите кои ја објавиле студијата во „Journal of the American College of Cardiology“ ги повикале луѓето да не го прескокнуваат она што би можело да биде најважниот оброк во текот на денот.

Истражувањето опфатило анализа на здравствени податоци на 6.550 возрасни лица на старост меѓу 40 и 75 години, а биле собрани како дел од Националното истражување на здравјето и исхраната спроведено меѓу 1988 и 1994 година. Учесниците биле следени до 2011 година по пат на Националниот индекс на смртност за да се испитаат долгорочните здравствени исходи.

Меѓу 6.550 учесници, нивната просечна старост била 53,4 години, а 48 отсто од нив биле мажи.

Биле проучувани следните лица:

- Никогаш не појадувале (5,1 отсто).
- Ретко појадувале (10,9 отсто).
- Појадувале само во одредени денови (25 отсто).
- Појадувале секој ден (59 отсто).

Дали појадокот бил најважниот оброк во текот на денот?

Старата изрека за важноста на појадокот можеби е точна. Сепак, експертите истакнале дека сѐ поголем број од луѓето редовно го прескокнувале појадокот – навика која во последните 50 години станала сѐ почеста во САД. Всушност, околу 23,8 отсто од младите наводно го прескокнувале појадокот секој ден.

Покрај тоа, истражувањата покажале дека постојаното пропуштање на појадокот е поврзано со поголем ризик од неколку здравствени проблеми, вклучувајќи прекумерна тежина или гојазност, абнормално ниво на липиди во крвта, висок крвен притисок, дијабетес тип 2, метаболички синдром, коронарни болести на срцето и мозочен удар.

Во своите анализи, експертите заклучиле:

„Во националната анализа на следените луѓе на возраст од 17 до 23 години, прескокнувањето на појадокот било поврзано со значително зголемен ризик од смртност од кардиоваскуларни болести. Нашата студија ја поддржува користа од појадокот во промоција на кардиоваскуларното здравје“.

Тие не се единствените кои тврдат дека појадокот е подобро да се јаде отколку да се прескокнува. Според зборовите на експертите:

„Лицата кои појадуваат имаат тенденција да бидат засекогаш здрави и витки од оние кои го прескокнуваат појадокот. Тоа може да биде така поради фактот што лицата кои појадуваат имаат и други здрави животни навики.

Прескокнувањето на појадокот, гледано историски, не било нужно нешто здраво. Постојат бројни студии кои покажуваат дека луѓето кои го прескокнуваат појадокот имаат зголемен ризик од срцеви заболувања и многу други тегоби“, вели д-р Лопез-Хименез од клиниката „Мејо“.

Тој објаснил дека тоа е делумно така поради високото ниво на адреналин кое се појавува наутро, а кога тој ќе се спои со недостатокот на храна и калории, телото реагира така што се „заклучува“ за да може да остане без енергија, па ги придвижува дополнителните механизми за приспособување.

Извор: „Mirror.co.uk“.