„Ferrari“ остварува најголема заработка по автомобил во авто-индустријата, покажуваат резултатите за првите шест месеци од 2025 година.
„Ferrari“ повторно го потврдува статусот на апсолутен шампион на профитабилноста во автомобилската индустрија. Според анализата на финансиските резултати за првата половина од оваа година, италијанскиот производител остварил неверојатни 118.124 евра профит по продадено возило.
Тоа е речиси 10.000 евра повеќе отколку во истиот период минатата година, со што „Ferrari“ дополнително ја зацврстува својата доминација кога станува збор за заработка по автомобил, наведува „Car Industry Analysis“, пренесува B92.
I try to share updates about the financial results of the main car manufacturers. As usual, Ferrari tops the ranking by...
Posted by Car Industry Analysis on Monday 29 September 2025
Вкупно биле анализирани 34 производители на автомобили, а резултатите покажуваат дека ниту еден конкурент не му се доближил на „Ferrari“. Најблиску беше „Jaguar Land Rover“ (JLR), но и тој мора да продаде 23 автомобили за да заработи колку што „Ferrari“ остварува со само едно возило.
Меѓу најдобрите се најдоа и три од четирите германски премиум производители: „Porsche“ (мора да продаде 24 возила за да се изедначи со само еден „Ferrari“), „Mercedes“ (47) и „BMW“ (58), додека кинеските брендови остануваат далеку зад нив на листата, и покрај огромните вложувања во глобалната експанзија.
Особено загрижува состојбата на големите западни компании како „Ford“ и „Mitsubishi“, кои бележат значаен пад на профитабилноста.
Уште полоша слика доаѓа од таборот на марките што работат со загуби. Негативен нето-резултат во првата половина од оваа година забележале:
• „Mazda“
• „Nissan“
• „Xpeng“
• „Stellantis“
• „Volvo“
• „Renault“
• „Nio“
• „Polestar“
• „Rivian“
• „Aston Martin“
• „Lucid“
Денес
