Том Круз во „CinemaCon“ во Лас Вегас го промовирал филмот „Mission: Impossible – The Final Reckoning“, а вниманието го привлекол со неговиот „освежен“ изглед.
Во изјава за Дејли Мејл, пластичен хирург рекол дека верува оти актерот всушност не бил „под нож“, туку дека значително ослабел и ја намалил консумацијата на алкохол.
„Порано делуваше малку подуено, но веќе не изгледа така“, изјавил тој. Тој верува дека актерот всушност се одлучил за микродермоабразија, минимално инвазивна процедура за обновување на површината на епидермисот што се користи за лекување на неизедначена текстура на кожата, односно предвремено стареење, стрии, мелазма (хиперпигментација) и лузни, вклучително и лузни од акни.
„Тоа е едноставна процедура која дава одлични резултати“, смета хирургот. Странските медиуми претходно шпекулирале дали Круз користел ботокс.
Во „CinemaCon“, меѓу другото, Круз му оддал почит на Вал Килмер, кој неодамна почина на 65-годишна возраст.
„Не можам да ви опишам колку се восхитувам на неговата работа и колку бев благодарен и почестен кога тој се приклучи на „Top Gun“, а подоцна и на филмот „Top Gun: Maverick“ истакнал Круз.
