И додека сите тагуваат за некогашниот голем заводник и уште поголем актер, одеднаш во јавноста одекна неговата последна објава од социјалните мрежи, која многумина, во светло на новите околности, ја окарактеризираа како „морничава и страшна“.

Вал Килмер, најпознат по улогите во „Топ Ган“ и „Бетмен засекогаш“ од 1986 година, пред помалку од 2 месеци – поточно на 23 февруари 2025 година – објавил видео со уметникот и музичарот Дејвид Чо, оригинално снимено во 2021 година. Видеото го прикажува Килмер во соба со тапацирани ѕидови како ја пробува специјално изработената „Бетмен“ маска, омилениот јунак кој го толкувал пред речиси три децении.

„Помина долго време“, се пошегувал Килмер додека ја ставал маската, присетувајќи се на старите времиња и снимајќи го филмот. После тоа, тој ја насочил камерата кон шарениот портрет на Бетмен, кој веројатно му го подарил Чо.

На многумина оваа глетка им предизвика непријатност и тага, бидејќи на овој начин никогаш не би можеле да го замислат некогашниот миленик на жените. Иако во видеото нема ништо толку спорно, фактот за прераната смрт, некогашниот изглед и став, здравствените проблеми и тонот на гласот, целосно ги растажија фановите, па сцената ја окарактеризираа како „страшна“.

Неговата, инаку, навистина последна објава на Инстаграм – во која не го гледаме – датира од 22 март 2025 година, кога споделил фотографија од една од неговите оригинални слики, со коментар: „Го има тој доцна навечер сјај. Ладни тонови со нежен пламен, како логорски оган што полека догорува, а ти сè уште си буден“.

Иако уште од детството ја сакал уметноста, Килмер целосно ѝ се посветил дури откако нарушеното здравје го спречило да продолжи со актерската кариера.

Битката на Вал Килмер со болеста

На Килмер му бил дијагностициран рак на грлото во 2014 година, но долго време одбивал да се лекува, потпирајќи се на верата и алтернативните методи. Дури кога состојбата му се влошила, се согласил на редовна медицинска терапија. По операцијата на трахеотомија, тој засекогаш го изгубил природниот глас и бил принуден да користи електронски апарат.

Во документарниот филм „Вал“ (2021) тој искрено говорел за животот со последиците од ракот.

„Звукот на мојот глас е многу полош отколку што се чувствувам. Не можам да зборувам без да ја покријам оваа дупка во моето грло“, рекол тој.

Тој, исто така, објаснил како болеста го променила неговиот секојдневен живот:

„Мора да изберете – дали ќе дишете или ќе јадете. Тоа е предизвик кој е постојано присутен кај луѓето кои ме гледаат“, додал некогашниот голем заводник.

Килмер своевремено открил дека не ни знаел дека има рак додека еден ден не искашлал грутка крв и се онесвестил. Се разбудил во болница по итна трахеотомија.

Во интервју за „Good Morning America“ во 2020 година, тој признал дека брзо закрепнал, но дека најмногу му недостига поранешниот глас.

„Најмногу ми недостига гласот кој го имав и тоа што не звучев како гусар кога се смеев.“

Комплексна личност

Килмер бил познат како талентиран, но и захтевен актер. Неговата страст за перфекционизам понекогаш го доведувала во конфликти со колегите и режисерите.

„Кога некои луѓе ме критикуваа дека сум премногу захтевен, мислам дека тоа е само начин да скријат нешто што не направиле правилно. Се сметам себеси за предизвикувачки, а не напорен и не се извинувам за тоа“, рекол тој во 2003 година.

Бил во врска со најубавите жени во Холивуд

Вал Килмер бил еден од најпосакуваните мажи во својата генерација, а меѓу неговите познати партнерки биле Анџелина Џоли, Винона Рајдер, Дарел Хана и Синди Крафорд. Тој имал особено близок однос со Шер, која го засолнила во нејзиниот дом во Малибу откако му било дијагностицирано рак.

Во неговите мемоари од 2020 година, „I’m Your Huckleberry“, тој открил дека е сингл од 2000 година. „Немам девојка веќе 20 години. Вистина е дека секој ден се чувствувам по малку осамено“, признал тогаш.

Веста за неговата смрт ги шокираше обожавателите и филмската индустрија. Неговата ќерка Мерцедес Килмер (33) потврди дека нејзиниот татко починал во вторникот во Лос Анџелес, како последица на пневмонија. Покрај неа, зад себе го остави и синот Џек Килмер (29) кој го имаше во брак со поранешната сопруга Џоан Вали, со која бил во брак од 1988 до 1996 година.