Емил Зола е француски писател, основач и еден од најзначајните претставници на натурализмот во литературата. Роден е на 2 април 1840 година во Париз, а починал на 29 септември 1902 година исто така во Париз.
Писателската кариера ја започнал како романтичар, но набрзо ги отфрлил методите на објективен реализам и почнал да воведува научни методи во литературата и да ја развива теоријата на таканаречениот експериментален роман.
Најпознати дела на Зола се: „Жерминал“, „Трујалница“, „Нана“, „Во зовриениот лонец“, „Слом“, „Човек-ѕвер“ и други.
Во продолжение прочитајте некои од неговите најинтересни цитати.
1. „Ако ја закопаме вистината длабоко во земја, со сопствена сила ќе излезе на виделина.“
2. „Уметникот е ништо без талент, талентот е ништо без работа.“
3. „Лутината е секогаш лош сојузник.“
4. „Кога некој го нема она што го сака, тогаш мора да го сака тоа што го има.“
5. „Единствената среќа во животот е постојаното стремење кон напредок.“
6. „Ако ме прашате што правам на оваа планета, јас, уметникот, ќе ви одговорам: Јас сум тука за да живеам гласно!“
7. „Вистината започна и ништо веќе не може да ја спречи!“
8. „Барајте луѓе кои би ги засакале. Тоа е тајната и успехот на животот.“
9. „Смислата на животот се состои во бесконечното освојување на непознатото, во вечниот напор да се дознае повеќе.“
10. „Постои цел, но никако пат. Она што го нарекуваме патека е колебање.“
11. „Ако не можам да победам со квалитет, ќе победам со квантитет.“
