Франција ја заборави лошата претстава од Сплит од четвртокот и успеа да ја надокнади негативата од два голови на „Пољуд“, пред се благодарение на офанзивната игра, но и ефикасноста која ја имаа избраниците на Дидие Дешамп во второто полувреме.
Во еден натпревар во кој доминираше една селекција, најверојатно клучен момент беше голот од слободен удар на Олисе, бидејќи младиот фудбалер на Баерн Минхен постигна гол за каков во репрезентацијата на Франција се чекаше речиси две децении.
Крилниот напаѓач доби предност пред Килијан Мбапе и погоди директно од слободен удар, што всушност беше прв ваков гол за „триколорите“ на официјален натпревар по пауза од 18 години.
Последен пат директно од слободен удар погодил Жером Ротен во 2007-ма година, а пред овој гол на Олисе, еднаш на неофицијален меч во дресот на Франција погодил и Пол Погба.
По погодокот на Олисе, Франција постигна и втор преку Усман Дембеле, но потоа беше и подобра во пенал рулетот кој заврши со резултат 5:4.
Michael Olise trifft per direktem Freistoß für Frankreich 🔥 #DAZNmoment #NationsLeague pic.twitter.com/fQnhaLUPyi
— DAZN DE (@DAZN_DE) March 23, 2025
1 - Michael Olise est le 1er joueur de l’équipe de France à marquer sur coup franc direct depuis Paul Pogba en mars 2018 contre la Russie, et le 1er sur un match compétitif depuis Jérôme Rothen contre les Îles Féroé en octobre 2007 (qualifs EURO). Ogive. pic.twitter.com/ywRE0iTD72
— OptaJean (@OptaJean) March 23, 2025
