Секој си го замислува денот на венчавката како посебен момент за себе и за својот партнер, споделен со семејството и пријателите кои најмногу ги сакаат.
Но, за принцот Вилијам и Кејт Мидлтон, тоа беше настан од национално значење, што значи дека мораа да го споделат својот посебен ден со глобална публика од 36,7 милиони луѓе.
Иако сите тие луѓе никогаш не можеа да се надеваат дека ќе ги дознаат неколкуте зборови што принцот Вилијам и Кејт Мидлтон ги размениле во тие моменти, сепак нивните шепотења не останаа долго во тајност.
Специјални експерти за говор на телото, изрази на лицето и читање од усни внимателно ги проучуваат најмалите детали, носејќи ни сознанија кои инаку би останале засекогаш скриени.
Неодамна, еден читач од усни повторно ги разгледал снимките од свадбата на Кејт Мидлтон и принцот Вилијам во 2011 година и ги открил емотивните, спонтано искажани зборови меѓу идната кралска двојка, открива Дејли мејл.
Откако Кејт, во раскошната венчаница на Александар Меквин од 250.000 фунти, пред 2.000 гости го кажа судбоносното „Да“, младенците тргнаа со познатата кралска кочија низ улиците на Лондон.
Токму тогаш, додека илјадници луѓе ги бодреа со громогласен аплауз, принцот Вилијам се свртел кон сопругата и со насмевка ѝ рекол:
„Се надевам дека ќе се сеќавам на сè… Ова е лудо, лудо! О, Боже, толку е гласно овде – сите овие луѓе плескаат.“
Потоа нежно се свртел кон Кејт додавајќи:
„Изгледаш среќна.“
А таа со насмевка му одговорила:
„Да! Дали си ти среќен?“, на што Вилијам потврдил: „Да. Многу!“.
Кога Вилијам стоел со својата прекрасна невеста пред олтарот, додека музиката била при крај, тој ѝ рекол:
„Изгледаш прекрасно…(нејасно)… изгледаш прекрасно“.
Сепак, можеби најпознатиот момент од кралската венчавка меѓу парот се случи на балконот на Бакингемската палата кога илјадници луѓе собрани под нив скандираа „Бакнеж, бакнеж, бакнеж!“
Првиот бакнеж беше срамежлив, но придружен со гласни овации од публиката, Вилијам низ насмевка ѝ рекол:
„Ајде да им подариме уште еден. Те сакам.“
Тој втор бакнеж предизвика бран од воодушевување и симболично го затвори поглавјето од бајките за тој ден.
