Претставен е новиот модел "Ray-Ban Meta" во соработка со "Coperni"
Марк Закерберг, извршниот директор на компанијата "Meta", сподели фотографија на својот "WhatsApp" профил, на која носи нова ограничена серија на очилата "Ray-Ban Meta x Coperni".
"Meta" минатата недела најави „возбудлива соработка“, а сега е јасно дека станува збор токму за овие очила.
"Great night seeing friends and some of our favorite fighters. Plus debuting our new Ray-Ban Meta x Coperni limited edition collab😎🔥"
— Stephen J. Caggiano (@StephenCaggiano) March 10, 2025
~Mark Zuckerberg pic.twitter.com/NCtvUZH77X
Дебитираа на Париската модна недела
Новите "Ray-Ban Meta x Coperni" очила го имаа својот дебитантски настап за време на Париската модна недела, каде што "Coperni" организираше „дигитално“ дружење со пријатели и познати личности, прикажувајќи ја својата најнова колекција.
Очилата се провидни и ќе бидат произведени во само 3.600 примероци, што ги прави ексклузивни.
Our latest @raybanmeta Coperni limited edition collaboration passes all the fit checks 🕶️ Available starting tomorrow on https://t.co/IBNsQIxywG pic.twitter.com/XrnVYlwidf
— Boz (@boztank) March 9, 2025
Функционалности на новиот модел
Очилата имаат исти можности како и стандардниот модел, вклучувајќи "Shazam" поддршка, како и гласовни команди за пребарување и пуштање содржина преку "Spotify" и "Amazon Music".
Дополнително, "Meta AI" овозможува корисниците да запаметат одредени настани и информации.
Учесниците во раната програма за тестирање добиваат пристап до новите „live AI“ можности, како и до функцијата за превод во реално време на неколку јазици.
