Експертката за говор на тело ги сподели своите размислувања за тоа како навистина се чувствувале Доналд Трамп и Џеј Ди Венс кога свештеничката Маријан Буд побара од нив да „покажат милост“ кон заедниците погодени од политиките на новата американска администрација насочени кон мигрантите и ЛГБТК+ лицата.
Покажа знаци на нетрпеливост
Експертката за говор на телото, Џуди Џејмс, ја анализираше ситуацијата и откри дека новиот претседател сепак „покажал“ некои чувства. „Трамп ја прими оваа критика рано и од неочекуван извор – од свештеничка. Додека таа се молеше за милост кон имигрантите, трансродовите и геј децата, меѓу луѓето на Трамп се почувствува малку напната атмосфера. Трамп задржа израз сличен на „покер – лице“, но преку суптилни невербалните знаци покажа чувство на нетрпеливост и растечка иритација“, изјави таа за „The Mirror“.
Според Џејмс, Трамп првично делувал како да сака да ги задржи своите мисли во себе, користејќи го гестот на поглед надолу, што изгледаше како обид за емоционално повлекување или дистанцирање. „Во еден момент Трамп ритмички удира со прстите во знак на нетрпеливост. Неговата уста малку се отвора, вилицата се навалува надесно, а потоа го врти торзото за да погледне настрана, што беше најзабележлива реакција, пред повторно да погледне во програмата“, додаде таа.
Потпретседателот поотворено го покажа своето незадоволство
Што се однесува до Венс, Џејмс тврди дека потпретседателот бил „поотворен“ во неговиот одговор на зборовите на Буда. „Кога се спомнаа децата, тој ја погледна својата сопруга со гест на очигледно отфрлање, а потоа го врати погледот кон напред со делумна, цинична насмевка.
Тој двапати се сврте кон сопругата, ги крена веѓите во израз на лажно изненадување, а потоа ја проучи својата програма Во еден момент тој се обиде да го фати погледот на Трамп, сигнализирајќи желба за покажување единство и поддршка“, објасни експертката,
„Не ми се допадна“
Потсетуваме, по службата, Трамп на новинарите им кажа дека не бил импресиониран од проповедта. „Не ми се допадна проповедта, не“, прокоментира тој при влегувањето во Белата куќа. „Тие можеа да го направат тоа многу подобро“, рече новиот претседател.
Следниот ден на неговата платформа „Truth Social“, тој отиде чекор понатаму. „Т.н. бискупка која зборуваше на националната молитвена служба беше радикална левичарка и огромен мразец на Трамп. Таа беше злобна, неквалификувана и неинтелигентна … Таа и нејзината црква ѝ должат извинување на јавноста!, напиша Трамп.
