Фудбалерите на Милан забележаа победа во Комо 2:1 во 19. коло од Серија А.
Многу важна победа за Милан, како и за новиот тренер Сержо Консеисао, за кого ова е прв триумф во Серија А.
Милан со пресврт, во интервал од само пет минути успеа да дојде до победата во Комо.
Домашните поведоа во 60. минута, кога Асан Диао лесно го соби дуелот со Тео Ернандез и го совлада голманот Мајк Мењан.
Грешката Ернандез ја исправи во 71. минута, кога постигна помалку среќен гол, а пресвртот го комплетираше Рафа Леао пет минути подоцна.
