Сите комплицирани елементи и резултатска криза во Манчестер Јунајтед се надополнети со уште еден проблем на повидок, а тоа е заминувањето на вториот голман на премиерлигашот.
Алтај Бајиндир решил да го напушти Јунајтед во јануари или најдоцна во летниот преоден рок, со што „црвените ѓаволи“ ќе останат без важната замена за првиот голман Андре Онана.
Бајиндир досега максимално ја користеше секоја дадена шанса, но веќе не сака да остане во екипа каде добива премала минутажа и ќе иницира трансфер во средина каде ќе биде прв избор.
Манчестер Јунајтед е задоволен од Бајиндир, но тоа нема да го спречи голманот да замине, а клубот веќе размислува за нов втор, но и трет голман, кој исто така би можело да биде ангажиран наредниот период.
Турскиот голман дојде во Јунајтед во 2023 година, а за неговиот трансфер Фенербахче заработи 5 милиони евра.
