Максималниот вртежен момент е 1.680 Nm, додека вкупната моќност на автомобилот е 1.300 коњски сили.
Кинескиот "BYD" објави дека електричниот суперавтомобил "Yangwang U9" достигнал максимална брзина од 391,94 km/h, поставувајќи нов рекорд како најбрз автомобил во Кина.
Во исто време, тој е трет најбрз електричен автомобил во светот, по "Aspark Owl SP600" (438,73 km/h) и "Rimac Nevera" (412 km/h).
Оваа брзина е постигната на германската тест патека во Папенбург.
"Yangwang U9" беше лансиран во февруари оваа година, а испораката започна во август. Автомобилот е долг 496 cm, а меѓуосовинското растојание е 290 cm.
Покривот е изработен од карбонски влакна, а заден спојлер доаѓа како стандард.
Достапен е во три бои: "Moonlight Silver", "Argyle Purple" и "Cabernet Danzhu".
Автомобилот има максимален вртежен момент од 1.680 Nm, додека вкупната моќност е 1.300 коњски сили (четири електромотори).
Забрзува од 0 до 100 km/h за 2,36 секунди, додека времето на спринт од 0 до 400 метри е под 10 секунди, поточно 9,78 секунди.
Кога станува збор за досегот, "Yangwang U9" е опремен со батерија "LFP" од 80 kWh, со опсег на "CLTC" од 450 km и можност за брзо полнење од 30% до 80% за 10 минути.
Почетна цена? Приближно 222.000 евра.
